NGAI VE ANG

Lunglai dawnbawm hawnga
Tawnhnu thu thlirkir in
Sakruang kimtlang mawia
Lungkham neilo ten
Nunkhua chen lai nghilhni awm lo.
Rualtin kimin Awmlai khama
Vangpui hunthawl khawthiang
Kut pui leh lawmlai zawng nen
Dawnlunglai ah cham reng e.
Mahten chenhnu thu dawn kir hian
Rualpui lenrual ten engtin ngai ve I maw?
Hlim lai, Par lai, Vullai leh Kimlai zawngte
Nghilh thei hian ka ring lo,
Thenna Khawvel a(h) e….

ZOTE

Sakhming thang hluan Zote
Vangkhua piallei hmuntin hrutin
Tlang leh mual zatam dapa
Lengdang  chhai tum mahila
Nang aia lungdum ka tawng law..
Tuanrel hahtui luanga awm chang le(h)
Run khawhar nghaka awm chang ten
Dawnril lunglai ah nang I cham reng…
Rimawi tum tin biazai hlamawi
Veltin thangkhawk mahse,
I anka chhawn thlum reng an tluk zo lo
Biakchhawn lung titlei chhawntu,
Zote… nang ngaih a zual e..
Khuanu samsuih nia nang nen
Run rem dunin hringpui chen ka nuam e.
Melza tam vangkhua danga lengin awm mah la,
Zote… Ka hmangaih zual sauh che…
Nang chuah I ni…. Ka Angel chu……..
Lungtiawi Zote,
Tawn ka nuam che…..
Ka hmangaih Zote…………

ZAUTEI

“Zaute val nunhlei min tilul suh I zun ngaia  awm I bawi zawk ka ni Val derdep tiin min sel lul suh I tan renga  nun  hlan ngam ka ni Nang hmangaih vang che in… Khawdawntawi tiin min dem lul suh I parzu thlum thawi rui zawk ka ni Lem derthiam val tiin min sel lul suh I tan chuah tia hmangaih tiamthu hlan che ka ni Nang duhluat vang che in… Valdang tang reng min bel san suh Hmangaih hliampui tawk in Famkhua ka lawi nang e Ka hmangaih che Zaute… Kumtluanga nang nen, Suihlai thlah lo ten, Chawlairel ka nuam che… Hmangaih Zaute”    

LENTHIAM

Khuavel tinkim thlir in
Thinlai lunglen a zual e
Hlimten Suihlai thlahlo tea
Lenlai ka ngai zual e

Hmangaih thukhat vuana
Hai ang tar thleng
Vangkhua sumtual rum hmuna lengin
Zungzala’n In Hmangaihang aw tia
Tiamlai zawngte kha
Kei zawngin ka ngaizual e….

Veltin selna anka zawng te
Lungrula do dun zel in
Khuavel par mawi tlan dun tura
Tiam thu hlenlai kha ngai e

Eng an nge maw Valte
Lunglai min her san tak le
I chawilai rel pui an ka tling zo lo maw
Tiam thu tin hlana lung min her san zawng
Tuar dan ka thiam nem maw?
Val Lenthiam

NANG I NI

Furpui khawchhia ruahpui sur leh

Hrangthli chhem vung kar a

Bahsam ngilhliau zarhliap keng leh

Ngaih thuleng hrilh tawn tur a

Min nghaktu chu nang I ni.

Thal khawro ni sen sa leh

To thli lum thaw tuar chung a

Thlantui fim luang chung leh

Beisei na sang tak nen a

Min thlirtu chu nang I ni.

Sikpui khaw vawt hnuai leh

Zo bawm meizam kar a

Sik khaw hnawm dur tuar chung leh

Lunglen tawnthu hril tum a

Min hmuaktu chu nang I ni.

Ka duh in ka ngaina che,

Ka rilru tak in ka beisei che,

Ka hmangaih che in ka hmangaih zual sauh a che,

Ka dam chhung in ka hmangaih zel ang che….